NixOS tizimida Flakesʼni yoqish

NixOSʼning joriy standart konfiguratsiya usuli bilan taqqoslaganda, Flakes yaxshiroq qayta ishlab chiqaruvchanlikni taklif qiladi. Aniq paket strukturasining ta'rifi Git repozitoriyalariga bogʻlanishni qoʻllab-quvvatlaydi, bu esa kod almashinuvini osonlashtiradi. Shu sababli, ushbu kitob tizim konfiguratsiyalarini boshqarish uchun Flakesʼdan foydalanishni tavsiya qiladi.

Ushbu boʻlimda Flakes yordamida NixOS tizim konfiguratsiyasini boshqarishni oʻrganamiz va buning uchun Flakes haqida oldindan hech qanday bilim talab qilinmaydi.

NixOSʼda Flakesʼni yoqish

Flakes hozirda eksperimental boʻlib, uni standart holatda yoqilmagan. Flakes funksiyasi va yangi nix buyruq qatori vositasini yoqish uchun /etc/nixos/configuration.nix faylini qoʻlda tahrirlashimiz kerak:

{ config, pkgs, ... }:
 
{
  imports = [
    ./hardware-configuration.nix
  ];
 
  # Flakes va yangi nix buyruq qatori vositasini yoqish
  nix.settings.experimental-features = [ "nix-command" "flakes" ];
  environment.systemPackages = with pkgs; [
    git
    vim
    wget
  ];
  environment.variables.EDITOR = "vim";
}

Oʻzgartirishlarni amalga oshirgach, sudo nixos-rebuild switch buyrugʻini bajarib, yangi konfiguratsiyani qoʻllang. Shundan soʻng, tizim konfiguratsiyasini Flakes yordamida boshqarishingiz mumkin.

Yangi nix buyruq qatori vositasi qulay imkoniyatlarni taqdim etadi. Misol uchun, siz endi nix repl buyrugʻi bilan interaktiv nix muhitini ochishingiz mumkin. Ushbu muhit orqali oldin oʻrgangan Nix sintaksisini sinab koʻrishingiz mumkin.

Tizim konfiguratsiyasini flake.nixga oʻtkazish

Flakes funksiyasini yoqgandan soʻng, sudo nixos-rebuild switch buyrugʻi /etc/nixos/flake.nix faylini oʻqishga urinadi, agar topa olmasa, /etc/nixos/configuration.nix dan foydalanadi.

Avval rasmiy shablonlar yordamida flake yozishni oʻrganishingiz mumkin. Mavjud shablonlarni koʻrish uchun:

nix flake show templates

Masalan, templates#full shabloni barcha imkoniyatlarni koʻrsatadi:

nix flake init -t templates#full
cat flake.nix

Ushbu shablondan foydalanib, /etc/nixos/flake.nix faylini yarating va konfiguratsiya mazmunini yozing. Quyidagi misolni koʻrib chiqing:

{
  description = "Sodda NixOS flake";
 
  inputs = {
    nixpkgs.url = "github:NixOS/nixpkgs/nixos-24.11";
  };
 
  outputs = { self, nixpkgs, ... }@inputs: {
    nixosConfigurations.my-nixos = nixpkgs.lib.nixosSystem {
      system = "x86_64-linux";
      modules = [
        ./configuration.nix
      ];
    };
  };
}

Bu yerda biz my-nixos nomli tizimni belgiladik va konfiguratsiya fayli /etc/nixos/configuration.nixdan foydalanildi.

Endi sudo nixos-rebuild switch buyruğini bajarsangiz, tizim avvalgidek qoladi, chunki biz faqat Flakesʼga oʻtdik, konfiguratsiya oʻzgarmadi.

Agar tizimingiz hostname my-nixos boʻlmasa, flake.nixdagi nixosConfigurations nomini oʻzgartirishingiz yoki buyruqqa --flake /etc/nixos#my-nixos qoʻshishingiz kerak.

Endi Flakes funksiyasi orqali tizimni boshqarishingiz mumkin.

Hozirgi flakemiz quyidagi fayllarni oʻz ichiga oladi:

• /etc/nixos/flake.nix: Flake uchun asosiy kirish nuqtasi.
• /etc/nixos/flake.lock: Versiya qulflash fayli, barcha bogʻliqliklar haqida maʼlumot saqlaydi.
• /etc/nixos/configuration.nix: Eski konfiguratsiya fayli, modullar orqali qoʻshilgan.
• /etc/nixos/hardware-configuration.nix: NixOS tomonidan yaratilgan apparat konfiguratsiya fayli.

Xulosa

Hozirgacha biz oddiy /etc/nixos/flake.nix faylini qoʻshdik. Keyingi boblarda flake.nix ning tuzilishi va funksionalligini oʻrganib, uning afzalliklarini asta-sekin koʻramiz.

Izoh: Ushbu kitobdagi konfiguratsiya boshqaruvi bitta fayl emas, balki turli nix fayllariga ajratilib, Git orqali boshqarilishi tavsiya etiladi. Bu konfiguratsiyani yaxshiroq tashkil etishga yordam beradi.

Konfiguratsiyani modullashtirish haqida NixOS konfiguratsiyasini modullashtirish boʻlimida, Git orqali boshqarish haqida esa Boshqa foydali maslahatlar boʻlimida batafsil aytiladi.